Tramp migrantlarnı “xaywan” dip atadı
“Bu keşelärneñ niqadär naçar ikänleklärenä ışana alasızmı, alar xaywan häm bez alarnı ildän çığarıp cibäräbez”
973433
AQŞ ilbaşı Donal’d Tramp migrantlarnı “xaywan” dip atadı. Ul moña qadär dä möhacirlär turında kimsetüçe süzlärne küp tapqırlar qullanğan ide. Bu yulı mısqıllawnı Aq Sarayda Kaliforniyalı cömhüriyätçelärne qabul itkän waqıtta äytte. Anda Meksika çigendä kütäreläçäk divar telgä alındı. Kaliforniya ştatı gubernatorı Djerri Brawn migrantlar öçen imin alan yasaw säyäsäten alğa sörde. Tramp isä anı tänqıyt’läp: “Bu keşelärneñ niqadär naçar ikänleklärenä ışana alasızmı, alar xaywan häm bez alarnı ildän çığarıp cibäräbez,”-dide.
