Çit planetada bolıt yuq

Kük yözen tikşerüçelär Koyaş sisteması tışındağı ber kük cisemeneñ atmosferasında bolıt bulmawın açıqladı. Mondıy açış täwge tapqır yasaldı. Älege êşçänlekne Angliyanıñ Êkseter universitetınnan ğalim Nikolay Nikolov citäkçelegendäge xalıqara tikşerü törkeme alıp bara. Alar Cirdän 980 yaqtılıq yılı yıraqlığındağı Anka yoldızlığınıñ kön’yağında bulğan WASP-96b cisemeneñ bolıtsız ikänen kürgän.

Törkem Awrupa Kön’yaq observatoriyäseneñ İñ zur teleskobın faydalana. Anıñ yärdämendä başqa planetanıñ orbitasındağı yoldıznıñ yaqtısındağı azayunı ülçäp kük cisemeneñ atmosferasındağı spektral’ ülçäwlärne yasıylar. Här cisemneñ üzenä xas xarakter üzençäleklären bilgeläwçe sannar planeta atmosferasınıñ tulısınça natriydan toruın kürsätä. Ğalimnär monıñ barı tik bolıtsız atmosferada mömkin buluın belderä.

WASP-96b – “Cılı Saturn” kategoriyäsendäge gazdan yasalğan planeta. Bügengä qadär açılğan çit planetalar arasında atmosferası bulğan bolıtsız berençe kük çiseme.