Nigeriyada açlıqtan ülüçe balalar

Könbatış Afrika däwläte Nigeriyada 10 meñnärçä bala açlıqtan tilmerä. BMOnıñ Balalarğa yärdäm fondı (UNICEF) ilneñ Borno, Adamawa häm Yobe töbäklärendä 88 meñ sabıynıñ ülem tırnağında buluın açıqlağan. Andağı här 5 balanıñ bersenä kiçekmästän tabib yärdäme kiräk. Bu xaqta UNICEFnıñ Nigeriya bülek başlığı Djeffri İjumba Tuqlanu yärdäme öyrätü programmasında yasağan çığışında söyläde. Soñğı waqıtlarda töbäktä keşelär êç kitü häm xoleradan ülä başlağan. Djeffri İjumba äytkänçä, Borno, Adamawa häm Yobeda  1 million 500 meñnän artıq keşegä çista su citmi. Bu wäzğıyät’ anda yäşäwçe meñnärçä balağa yoğıntı yasıy.