“Suğış üzennän-üze betmäyäçäk”

Berläşkän Millätlär ğomum särqatibe Antonio Guterriş salqın suğışnıñ kire qaytuın belderde. Anıñ äytüençä, Süriyädä 7 yıl baruçı grajdannar suğışınıñ sixerle ber räweştä üzennän-üze çişelüen uylaw – berqatlılıq.

Guterriş räsmi söyläşülär öçen Şveśiya başqalası Stokgol’mğa kilde. Ul anda prem’yer-ministr Ştefan Löfven belän oçraştı. Soñınnan urtaq press-konferenśiya ütkärdelär. Guterriş anda Süriyädäge suğış, Rusiyä belän AQŞ arasındağı kiyerenkelek temaların kütärde. Anıñ äytüençä, bu suğış üzennän-üze xäl itelmäyäçäk häm Berläşkän Millätlär oyışması da monı ber xäräkät belän tuqtata almıy. Xäzerge waqıtta anda törle armiyälär, suğışçan oyışmalar, dini büleneşlär bar. Süriyädä soñğı yıllardağı waqıyğalar salqın suğışnıñ kire qaytuın kürsätä di ul. Guterriş AQŞ belän Rusiyäneñ monnan soñ berlektäşlären kontrol’ itä almawın belderde. Alar salqın suğış belän mäşğul’.

Şveśiya prem’yer-ministr Ştefan Löfven dä Süriyädäge mäxşärneñ 7 yıl däwam itüenä iğ’tibarnı yünältte. “Bu awır suğışta ximik qorallar bernigä dä sanalmıyça qullanıldı. Küp xäsrät kürelde. Bu suğış xäzer ük betergä tiyeş,”-dide ul.