İzrail’ belän Rusiyä arasında suğış çığarğa mömkin

İzrail’neñ küzläw xezmäte Mossadnıñ êlekkege başlıqlarınnan Êfraim Xalävi üz däwläte belän Rusiyä arasında xärbi bäreleşlär çığu mömkinlegeneñ artuın belderde. Ul İzrail’neñ ber televidenie kanalına ike aradağı kiyerenkelekneñ närsägä kiterä aluın añlattı. Xalävi ilneñ tön’yağında, yäğ’ni Süriyädä üzeneñ barlığın kürsätüçe Rusiyä belän suğış çığaçağın farazlıy. Ul bu bäreleşneñ bik köçle bulacağın häm İzrail’neñ monı buldırmaw yulların êzlärgä tiyeşlegenä basım yasadı.

 Ul Rusiyäneñ ni öçen İzrail’ne bastırırğa teläwen bolay añlata: “Rusiyä Süriyägä ozaqqa dip kilde. Xärbi bazaları häm köçen distälärçä yıl qullanırlıq itep qordı. Töbäktäge strategik xezmättäşe İrannıñ ciñelüen telämi, bu anıñ öçen äybät tügel”,-dide Êfraim Xalävi.