Könçığış Gutadan xalıqnı mäcbüri küçerü däwam itä

Süriyädä Bäşşar Äsäd rejimı qamalışındağı Könçığış Gutada oppoziśiya kontrolendäge soñğı noqta bulğan Duma rayonınnan xalıqnı mäcbüri çığaru däwam itä. Kiçä tönlä quzğalğan konvoy Bab rayonuna barıp citte.  Anda xärbi oppoziśiyä wäkilläre häm rayonnan kitärgä telägän tınıç xalıq, aktivistlar urın aldı. 74 avtobuslı konvoyda 877 xatın-qız, 1346 bala – tuplam 3 meñ 548 keşe. Alarğa ike aşığıç yärdäm maşinası da yuldaş buldı.  Dumadan kilüçelärne Azäz rayonında waqıtlıça yäşäw urınnarına urnaştıraçaqlar