AQŞta şikle paketlar

AQŞnıñ başqalası Vaşington yänäşäsendäge küp kenä xärbi ob’yektlarğa şikle paketlar kilgän. Pentagon süzçese polkovnik Mişel’ Baldanza bu tema belän bäyle detal’lär söylämi. Ul barı tik älege oçraqlar buyınça tikşerü başlanuın belderä. Başqa çığanaqlar Virdjiniya ştatındağı Xalıqara saqlanu üniversitetına şikle paket kilüen belderä. İkençese – Geokiñlek küzläw oyışmasına cibärelgän. FBR wäkilläre paketlarnıñ bersendä qısqa yalğanış taqtasına berketelgän sıyıqlıq tulı şeşä buluın xäbär itä. İke paket ta kontrol’gä alınğan.

Şulay uq Aq Yort häm Üzäk küzläw idaräseneñ poçta märkäzenä dä şöbhäle paket kilüe turında söylilär.