İdlibkä höcüm
Rusiyä xärbi oçqıçları Xaräm rayonına höcüm itte
935789
![İdlibkä höcüm](http://cdn.trt.net.tr/images/xlarge/rectangle/5f94/38b5/90c7/5ab4a0652b8de.jpg?time=1718740364)
Süriyäneñ İdlib kiyerenkelekne kimetü töbägendäge Xaräm rayonına hawadan höcüm ittelär. 42 keşe ülde, 72se yaralandı. Bombalarnı kiçke yaqta bazar urınına atalar. Qotqaru törkemnäre waqıyğa urınında êzläwne däwam itä. Ülüçelärneñ sanı artacağın farazlıylar. Bu xaqta İdlib “Aq beretlar” oyışması mödire Mostafa Hac Yosıf belderde. Oppoziśiyaneñ oçqıç küzätüxanäse sośial’ çeltärdä urtaqlaşqan yazmasında da: “Ximeymim bazasınnan kütärelgän Rusiyä xärbi oçqıçları Xaräm rayonına höcüm itte”,-digän.
Soñğı ike atnada İdlib häm Xama töbäklärendä tınıç xalıq yäşi torğan cirlärgä yasalğan höcümnärdä 98 keşeneñ ğomere özelde, 134e yaralandı.