Donal'd Tramp Putinğa ni öçen şaltıratqan?
“Bik küp mäs’äläneñ çişelüenä yärdäm itär”
AQŞ prezidentı Donal’d Trampnıñ Rusiyä ilbaşı Putinğa şaltıratıp saylawda ciñüe belän qotlawın cämäğat’çelek tänqıyt’lägän ide. Tramp üzeneñ bu adımın: “Bik küp mäs’äläneñ çişelüenä yärdäm itär,”- dip aqladı. Ul êlekkege ilbaşı Barak Obamanıñ da Putinğa şaltıratuın xäterlätte. “Rusiyä häm başqaları belän yaxşı mönäsäbättä bulu äybät, naçar tügel,- di AQŞ ilbaşı. – Alar (ruslar) Tön’yaq Koreya, Suriyä, Ukraina, DEAŞ, İran häm xätta yaqınlaşuçı qorallanu yarışı mäs’älälären çişüdä yärdämçe bulır”.
Tramp êlekkege prezidentlardan Djordj Buşnıñ Rusiyä belän aralarnı yaqınaytırğa mataşuın, ämma ziräk kinäşçeläre bulmawın; Obama belän ul waqıttağı Xillari Klintonnıñ da moña tırışıp qarawın, ämma ênergiyäläre citmäwen söyläde. AQŞ ilbaşı möräcäğaten “Köç yulı belän solıx” şiğare belän tögälläde.
