Nigeriyada urlanğan qızlarnı taptılar

Könbatış Afrika däwläte Nigeriyada Boko Xaram terrorçı oyışması tarafınnan urlanğan 110 qıznıñ 91e qotqarıldı. Räsmi mäğ’lümatlarda monıñ niçek êşlänüe äytelmi.

Boko Xaram 19nçı fevral’dä Yobe ştatına bäyle Dapçi töbägendä qızlar mäktäbenä höcüm itkän ide. Şunnan soñ 110 uquçınıñ yuqqa çığuı açıqlandı. Älege ştattağı mäktäplärne saqlaw öçen 2 meñ poliśiya xezmätkäre kiterelde.

Boko Xaram oyışması 2009nçı yıldan birle töbäkkä dähşät çäçä. Alarnıñ isäbendä 17 meñ keşeneñ üleme bar. Terrorçı oyışması bik küp xärbineñ yuqqa çığuına da cawaplı. Uzğan yıldan başlap alar kürşe däwlätlär – Kamerun, Benin, Çad häm Nigerda da höcümnär oyıştıra başlağan.