UNİSEFnıñ Süriyä turında xisabı

Süriyädä 7 yıl däwam itüçe qanlı suğış 1,5 millionnan artıq keşedä ğomerlek ruxi häm fizik yara qaldırğan. Xalıqnıñ yartısı çit illärgä kitärgä yäisä il eçendä başqa cirgä küçenergä mäcbür bulğan.   BMOnıñ balalarğa yärdäm fondı bu xaqta xisap çığardı. Anda suğış näticäsendä 86 meñ keşeneñ ayaqsız yäisä qulsız qaluı äytelä. Mediśina häm psixologik yärdäm bulmawı säbäple suğış qorbannarınıñ yaraları aqrın tözälä yäisä ülemgä kiterä. Xisapta, şulay uq, bik küp balalarnıñ yätim qaluına basım yasalğan.  2017nçe yılda Süriyädä yaqınça 900 bala suğışqa cibärelgän. Alarnıñ dürttän bere 15 yäşennän keçkenä.