Terrorçılıq qorbannarı  koordinaśiya üzäge

Awrupa berlege terrorçılıqtan zıyan kürüçelärgä yärdäm itü öçen Terrorçılıq qorbannarı  koordinaśiya üzäge töziyäçäk. 11nçe mart – Awrupa terrorçılıq qorbannarın iskä alu köne. Şul uñaydan berlek komissiyäse belderü yasadı. Anda: “Terrorçılıqnıñ urını yuq. Ul böten keşelekkä qarşı xain häm äxlaqsız xäräkät. Ülem çäçär häm isän qalğan qorbannarın da gomereneñ axırına qadär yaralı qaldırır,”-diyelgän. Belderüdä Awrupa berlegeneñ terrorçılıqqa qarşı tayanu köçen üsterü häm watandaşların saqlaw mäs’äläsendä qararlı buluına basım yasala. Şulay uq, 2019nçı yılda êşli başlayaçaq Terrorçılıq qorbannarı koordinaśiya üzäge öçen kiräkle böten yärdämneñ bireläçäge äytelä.

İspaniyanıñ başqalası Madridta 2004nçe yılnıñ 11nçe martında bulğan häm 200gä yaqın keşeneñ ğomeren özgän terrorçı höcümennän soñ 11nçe mart – Awrupa terrorçılıq qorbannarın iskä alu köne bularaq iğ’lan itelde.