Äfğanstanda qorallı höcümnär

Äfğanstannıñ Qabul häm Taxar şähärlärendä bulğan qorallı höcümnärdä 27 keşeneñ ğomere özelde.

Başqaladağı waqıyğa Musalla-i Mazari rayonında bulğan. Höcüm yuğarı dairä wäkilläre qatnaşında uzuçu çara barışında yasalğan. Berençel mäğ’lümatlarğa qarağanda, 10 keşe ülgän, 13e yaralanğan. Waqıyğa şahitläre monıñ intixar höcüme buluın söyli. Älege höcümne üz östenä aluçı yuq.

Taxarnıñ Xocai Gar ilçäsendä isä Taliban poliśiya bülekçäsenä höcüm itkän. Anda 17 iminlek saqçısı hälaq bulğan. Taliban tarafında da yuğaltular buluın belderälär.