Bäşşar Äsäd rejimın ğayepläw qararınıñ proyıktı qabul itelde
Qararğa Angliya tözätülär kerde, Rusiyäneñ täq’dimnären qabul itmädelär
Berläşkän Millätlär oyışmasınıñ Keşe xoquqları şurası Süriyädä Bäşşar Äsäd rejimınıñ Könçığış Gutada rejimıda tınıç xalıqqa zolım çikterüen ğayeplägän qarar proyıktın qabul itte.
Angliyäneñ çaqıruınnan soñ Könçığış Gutadağı gumanitar krizis mäs’äläsen çişü öçen Şura aşığıç utırışqa cıyılğan ide. Bügen Rusiyäneñ qarar proyıktında üzgäreşlär yasaw taläbe säbäple yañadan tuplandılar.
Utırışta rejimnıñ Süriyädä böten töp keşe xaqların bozu häm izüläre, xalıqara xoquqnı cirgä salıp taptawı häm gumanitar wäzğıyät’neñ naçarayuın tänqıyt’lägän qarar proyıktı 4 qarşı, 14 bitaraf häm 29 uñay tawış belän qabul itelde. Anda rejimnıñ Könçığış Gutağa gumanitar yärdäm kerttermäwe, xastaxanälärgä häm tınıç xalıq infrastrukturasına tuqtawsız höcüm itüläre, törle awır qoral häm bombalar qullanuı turında äytelä.
Angliyanıñ qarar proyıktında Berläşkän Millätlär qabul itkän 30 könlek “atunı tuqtatu”nı kiçekmästän tormışqa aşıru, tınıç xalıqqa yärdämne ireşterü, meñnän artıq yärälı yäisä awıru keşene aşığıç räweştä töbäktän çığaru taläpläre urın alğan.
Anda, şulay uq, keşe xaqların bozuçılar häm xalıqara xoquqnı sanğa suqmawçılarnı cawaplılıqqa tartu kiräklegenä basım yasala. Töbäktäge waqıyğalarnıñ Berläşkän Millätlär oyışması Xalıqara bäysez Süriyä tikşerü komissiyäse tarafınnan centekläp soraştırıluı kiräklege dä äytelä.
Şura Rusiyäneñ qarar proyıktına tözätülären isä qabul itmäde.
