Şveśiyädä möhacir xatın-qız tuñıp ülgän
Bäxetsez änineñ 9 yäşendäge ulın häm 8 yäşendäge qızın ülem tırnağınnan köçkä alıp qalğannar
920997
Şveśiyädä möhacir xatın-qız tuñıp ülgän. Anıñ sıyınma urınına möräcäğaten qabul itmägännar. Xatın 2 balası belän uramda qalğan. Şveśiyä däwlät televideniyesennän xäbär itülärençä, bäxetsez änineñ 9 yäşendäge ulın häm 8 yäşendäge qızın ülem tırnağınnan köçkä alıp qalğannar. Balalar xäzer xastaxanädä däwalana. 35 yäş’lek xatın Burkino Faso watandaşı. Şveśiyägä 3 ay êlek kilgän häm sıyınmaçı bularaq möräcäğat’ itkän. Ämma anı qabul itmägännär. Xatın häm 2 balası öslärendäge cäyge kiyemnär belän uramda qunarğa mäcbür bulğan. İminlek xezmätkärläre başta 9 yäş’lek malaynı uramnan ala häm anıñ añlatularınnan soñ änisen häm señlesen tabıp alalar. Poliśiya awır qış şartlarında ğailäne uramğa atqan sıyınma yortın soraştıra başlağan.
