Könçığış Gutada 12 köndä 674 ülem

Könçığış Gutada soñğı 12 köndä rejimnıñ höcümnärendä 674 keşe hälaq buldı. Bu xaqta “Aq beretlar” xisabında äytelä. Ülüçelärneñ 127se bala, 95e xatın-qız.  Yaralanuçılar da bik küp. 2278 keşe. Alarnıñ 658e bala. Bik awır xäldäge awırular häm yaralılar bar. Alarğa aşığıç tabib yärdäme kiräk.   

Töbäktä xatın-qızlar häm balalar, başlıca, yortlarnıñ sıyınu urınnarı häm podvallarında qaçıp utıra, ir-atlar isä ğailälären aşatu öçen tışqa çığarğa mäcbür. Bu da ülüçelär arasındağı ir-atlarnıñ sanın arttıra.  

Rejim köçläre Könçığış Gutağa 10 kön êçendä 917 hawa höcüme yasağan. Şul uq waqıt êçendä cirdän dä 4 meñ 338 märtäbä raketa cibärgännär, 284 miçkäle, 172 yandıruçı, 15 kassetalı bombalar atqannar, 3 meñ 357 artilleriya snaryadı belän ut açqannar!    

Berläşkän millätlär İminlek şurası 24nçe fevral’dä Süriyädä “utqa totunı tuqtatu” qararın iğ’lan itsä dä, anıñ niçegräk tormışqa aşırılacağı açıqlanmadı.

Rusiyä bu qarardan soñ 27nçe fevral’dä här kön cirle waqıt belän irtänge säğat’ 9dan köndezge 2gä qadär höcümnär tuqtap toraçağın häm rejimnıñ da moña buysınaçağın beldergän ide.