Venesuêla: “Törkiyä belän êşläyäçäkbez”
Venesuêla Tışqı êşlär ministrı Xorxe Arreasa Monserrat xalıqara finans sisteması ilenä kirtälär kiterep çığarğan oçraqta yaña mexanizmnar tabu öçen Törkiyä, Rusiyä häm Qıtay belän êşläyäçäklären äytte
Monserrat Berläşkän Millätlär Oyışmasınıñ Jeneva ofisında oyıştırğan matbuğat oçraşuında ilendä aprel’ ayında ütkäreläçäge açıqlanğan Däwlät başlığı saylawı belän bäyle bularaq düşämbe könne Jenevada bulğan Berläşkän Millätlär Oyışması Ğomum särkätibe Antonio Guterres belän küreşep söyläşüen belderde.
Söyläşüdä saylaw waqıtında xalıqara küzätüçelärneñ wazıyfaları belän bäyle bularaq yuğarı däräcäle komissiyanıñ tözelüe mäs’äläsen qarap çığuların añlatuçı Monserrat İlbaşı Nikolas Maduronıñ qabat saylanaçağına ışanuın äytte.
Monserrat, saylawnıñ ğadel häm ütä kürenmäle bulaçağına basım yasap, ildäge oppoziśiya blokı “Demokratik berlek”neñ 22nçe aprel’dä uzdırılaçaq saylawnı boykot itkän oçraqta monıñ oppoziśiya saflarına cawapsızlıq mäğnäsen biräçäge fikeren yaqladı.
Amerika Quşma Ştatlarınıñ ilenä qarşı qullanğan êmbargonıñ zararların añlatuçı Monserrat global’ banklarnıñ sankśiya qurquı arqasında Venesuêla belän êşläwdän taypıluın belderde.
Monserrat Däwlät başlığı Maduro yañadan saylanğan oçraqta kiläse 6 yılın il iq’tisadın yaxşırtuğa häm törleländerügä bağışlayaçağın assızıqladı.
Ministr Monserrat, xalıqara finans sistemasınıñ bu däwerdä Venesuêlağa kirtälär kiterep çığara alaçağın belderep: "Bu wazğiyättä yaña mexanizmnar tabu öçen Törkiyä, Rusiyä häm Qıtay belän êşläyäçäkbez”, - dip äytte.
İspaniya belän bozılğan mönäsäbätlärgä dä tuqtalıp uzuçı Monserrat bu il belän mönäsäbätlärneñ yañadan cayğa salınıluınıñ Madrid xökümätenä bäyle buluın assızıqlap äytep uzdı.
