Mogerini: “Süriyädä bäreleşlärneñ artuınnan borçılabız"

Awrupa Berlegeneñ tışqı mönäsäbätlär häm iminlek säyäsätennän cawaplı yuğarı wäkile Federika Mogerini Awrupa Berlegeneñ Süriyädä bäreleşlärneñ artuınnan borçıluın täqrarladı.

Mogerini Süriyädäge utnı tuqtatunıñ garant illäre Törkiyä, İran häm Rusiyäneñ kiyerenkelekneñ azayuında xosusıy cawaplılığı buluın äytte.

Yuğarı wäkil Bel’giya başqalası Bryussel’dä Tışqı êlemtälär şurası cıyılışına kerär aldınnan jurnalistlarnıñ sorawlarına cawap birde.

Mogerini: "Ğomum bularaq min häm Awrupa Berlege äğzase illärneñ tışqı êşlär ministrları Süriyäneñ här urınında törle aktyorlarnıñ xärbi operaśiyäläreneñ artuınnan bik borçılabız. Älbättä, berençe çiratta rejim häm yaqlawçılarnıqınnan”, - dip äytte.

Mogerini: "Bigräk tä Astana barışınıñ garant illäre bulğan Rusiyä, İran häm Törkiyäneñ östendä bäreleşlär artqan tügel, bäreleşsezlek täêmin itelgän barışnı garantiyäläw mäs’äläsendä xosusıy cawaplılıq bar”, - dip belderde.