Liśeyğa qorallı höcüm

AQŞnıñ Florida ştatında ber liśeyğa oyıştırılğan qorallı höcümdӓ 17 keşeneñ ğomere özelgӓn.

Broward şӓhӓrendӓge mӓktӓpneñ êlekke uquçılarınnan bulğan höcümçe Nikolas Kruz qulğa alınğan. Kruznıñ uzğan yılnı disśiplina bozuları arqasında mӓktӓptӓn quıluı açıqlanğan.

Poliśiyadan yasalğan açıqlawğa kürӓ 12 keşene mӓktӓptӓ ütergӓn Nikolas Kruz mӓktӓp baqçasında da ike keşene hӓm uramnan uzıp baruçı tağın ber keşene ütergӓn. İke keşe dӓ ozatılğan xastaxanӓdӓ yaqtı dönyadan kitkӓn.

Nikolas Kruznıñ uquçılarnıñ mӓktӓptӓ cıyılu urınnarına baruı hӓm tağın da küp keşene üterü öçen belӓ torıp yanğın sörӓnen birüe öyrӓnelgӓn.

Uquçılarğa ut açqan Kruzda AR-15 törendӓge mıltıqnıñ buluı açıqlanğan.

Waqiğadan soñ liśeynıñ yabıluı hӓm barlıq uquçılarnıñ çığarıluı citkerelgӓn.

Xastaxanӓgӓ ozatılğan yaralanuçılarnıñ wazğiyӓte belӓn bӓyle mӓğlümat birelmӓgӓn.

Amerikan Federal’ tikşerü byurosı başlatqan tikşerü isӓ dӓwam itӓ.

AQŞ dӓwlӓt başlığı Donal’d Tramp waqiğadan berniçӓ sӓğat’ uzğaç Twitterda açıqlaw yasağan.

Yullamasında ul tübӓndӓgeçӓ citkergӓn: “Doğalarıbız Floridadağı qurqınıç höcümdӓ yaqtı dönyadan kitüçelӓr öçen, ğailӓlӓre hӓm tuğannarınıñ qayğısın urtaqlaşabız. Uquçı, uqıtuçılar hӓm başqaları Amerikan mӓktӓbendӓ üzlӓren imin xis itӓrgӓ tiyeş.”