Afrindağı terrorçılarğa Qızıl Xaç yärdäme
PYD/PKKlılarnıñ sıyınu urınnarın tentü waqıtında gumanitar yärdäm paketları tabılğan
Äsäd rejimına bäyle Süriyä Qızılayı häm xalıqara Qızıl Xaç terrorçılarğa yärdäm itkän. Afrinda PYD/PKKlılarnıñ sıyınu urınnarın tentü waqıtında älege gumanitar oyışmalarnıñ yärdäm paketları tabılğan. Alarğa azıq-tölek häm başqa ihtiyaç kiräk-yaraqları quyılğan. Paketlarnıñ êçennän Süriyä Qızılayı häm xalıqara Qızıl Xaç logotipları bergä qullanğan broşyuralar çıqqan. Anda bu yärdämneñ tınıç xalıq öçen ikänlege äytelgän. Şulay uq qorallı törkemnärneñ bu paketlarnı moxtaclarğa ireşterüdä kirtä quymawları sorala.
Bilgele bulğança, Äsäd rejimı Afrinda oyalağan oyışmağa êçke suğışnıñ başınnan birle logistika yärdäme kürsätä.
Şveyśariyanıñ Jeneva şähärendäge Xalıqara Qızıl Xaç komitetı süzçese İolanda Jakemettan Afrindağı terrorçılar qulına yärdämneñ niçek kilep êlägüen sorıylar. Ul uzğan yıl töbäkkä 5 tapqır gumanitar yärdäm cibärelüen tanıy. Arfin tiräsendäge lager’larda yäşäwçe 50 meñ keşegä azıq-tölek häm kiräk-yaraq cibärgännär. Soñğı konvoy 2 ay êlek barıp citkän. İolanda Jakemet: “Qızıl Xaç berkemgä buysınmıy häm tarafsız. Suğışçılarğa gumanitar yärdäm kürsätmädek. Paketlarnı Süriyä Qızılayına cibäräbez, alar tarata”,- dide. Ul monnan soñ yärdämne turıdan-turı moxtaclarğa ireşteräçäklären belderde.
