Ğalimnär berençe tapqır keşe kükäyläre citeşterde

Şotlandiyadağı Ädinburg universitetı tikşerenüçeläre xatın-qızdan alınğan kükäy küzänäklären laboratoriya şartlarında citeşterde. Alar öçen kislorod däräcäce, gormonnar häm proteinnar yağınnan keşe organızmına oxşağan ber cirlek xäzerlängän.

Tikşerenüçelär küzänäklärneñ yaralğı yasalu êtabına kilgänçe üsüen küzätkän. Yıllar buyı barğan bu tikşerü keşe kükäyeneñ niçek citeşüen añlarğa da yärdäm itä. Älege prośess monnan êlek centekläp öyränelmägän ide.

 Belgeçlär bu ısul yaman şeştän däwalanğan qız balalarnıñ kiläçäktä awırğa uza aluları öçen möhim buluın assızıqlıy. Radio häm ximiyaterapiya qayber oçraqlarda qısırlıqqa kiterä.