Tayvan’da cirteträw

Amerika Quşma Ştatları geologik tikşerenülär üzäge mäğlümatlärenä kürä, cirneñ 10,6 çaqrım tiränlegendä barlıqqa kilgän zilzilä êpiśentrı Hualien şähäreneñ 22 çaqrım tön’yaq-könçığışı bularaq terkälgän.

Tayvan’ üzäk xäbär agentlığı CNA xäbärenä kürä, räsmilär cirteträw arqasında 145 keşeneñ xäbärsez yuğaluın beldergän.

Zilzilä arqasında ber qunaqxanä cimerelgän, ber küper qullanılmaslıq xälgä kilgän, yar buyında da qayber avtoyullar awır zıyan kürgän.

Däwlät başlığı Tsai Ing-Wen bäyläneşle ministrlıqlarğa afät mexanizmnarınıñ ğamälgä kertelüe boyırığın birgän.

Tın okeanınıñ zilzilä häm vulkan sızığında urnaşqan Tayvan’da 1999nçı yılda barlıqqa kilgän 7,6 zurlığındağı cirteträwdä 2 meñ 300dän kübräk keşeneñ ğomere özelgän ide.