Şveyśariyädä Törkiyä başkonsullığına höcüm
İke ir-at konsullıqnıñ maşina parkında abtomobil’ne yandırırğa mataşqan
Şveyśariyädä bilgesez keşelär Törkiyä başkonsullığı xezmät kürsätü maşinasına ut törtergä mataştı. Baş konsul Asiya Nurcan İpäkçe yasağan açıklawda äytelgänçä, irtänge säğat’ 3 tulıp 9 minutta ike ir-at konsullıqnıñ maşina parkında abtomobil’ne yandırırğa mataşqan. Ämma êşläre barıp çıkmağan. Bu ğamäl kameralarğa da êläkkän. Śürix poliśiyäse waqıyğa urınında tikşerü ütkärgän.
Baş konsul beldergänçä, bu soñğı 1 yıl êçendä öçençe höcüm. Qızğanıçqa, êlekkegelärendä ğayeplelär tabılmadı, soraştırularda alğa kiteş yuq.
1nçe mayda Śürix başkonsullığına maskalı keşelär höcüm itä. Divarlarğa buyaw atalar, monnan tış yaqındağı avtobus tuqtalışı häm qarşıdağı binağa kırmızı buyaw belän “Kill Erdogan” (Erdoğannı üteregez) dip yazalar. Bu höcümne PKK taraftarları yasağan diğän şöbhälär bar.
Bernda da 25nçe martta PKK taraftarları mitinğında Erdoğanğa ülem belän yanağan plakatlar kürengän.
Bu ike waqıyğadan soñ Şveśiya poliśiyäse berkemne dä qulğa almadı.
