Perm’ mäktäbenä höcüm

Rusiyäneñ Perm’ şähärendä bitlek kigän häm pıçaq totqan ike keşe ber mäktäpkä höcüm itkän.

Waqiğada kim digändä 8 uquçı häm 1 uqıtuçı yaralanğan.

Perm’ töbäge iminlek ministrlığınıñ matbuğat särqätibe Yelena Dubinina yaralanuçılardan ikeseneñ awır xäldä buluı äytkän.

Waqiğa urınına aşığıç yärdäm kürsätü maşinası häm poliśiya törkemnäre cibärelgän.

Perm’ vilayät’ başlığı Maksim Reşetnikov häm Perm’ töbäge iminlek ministrlığı räsmi zatları da höcüm oyıştırılğan mäktäpkä kitkän.

Ğadättäntış xällär ministrlığınnan ber çığanaq ta “Höcümçelär qulğa alındı. Şäxes tanıqlıqları häm höcümne oyıştıru säbäpläre tikşerelä,” – dip beldergän.

Rusiyäneñ Sälamätlek saqlaw ministrlığınıñ Perm’ töbäge idaräsennän yasalğan açıqlawda isä awır yaralanğan uqıtuçı häm 16 yäş’lek ber uquçınıñ xastaxanädä yatuı citkerelgän.