Tramp kiregӓ adım yasağan
AQŞ ilbaşı Tönyaq Koreya belӓn söylӓşügӓ ӓzer buluın açıqlağan
Amerika Quşma Ştatları dӓwlӓt başlığı Donal’d Tramp Tönyaq Koreya hӓm Parij klimat kileşüe mӓs’ӓlӓlӓrendӓ kiregӓ adım yasağan.
Monnan alda Tönyaq Koreyağa yuqqa çığaru belӓn yanağan Tramp söylӓşügӓ ӓzer buluın açıqlağan.
Tramp Könyaq Koreya dӓwlӓt başlığı Moon Jae-in belӓn telefonda söylӓşkӓn.
Söylӓşü belӓn bӓyle bularaq Aq Yorttan yasalğan yazulı açıqlawda ilbaşı Trampnıň döres waqıtta hӓm yaraqlı şartlarda Tönyaq Koreya belӓn söylӓşülӓrneň ütkӓrelüenӓ telӓk belderüe urın alğan.
İlbaşı Tramp ayıruça uzğan yılnı çigelü qararın alğan Parij klimat kileşüenӓ kire quşıla alacağına işarӓt itkӓn.
Tramp: “Kileşügӓ kire quşıla alabız. Tirӓ-yaq moxitnıň saqlanıluına sizgerlek belӓn qarıybız,” – digӓn.
Kileşü şartlarının AQŞnıň iqtisadi mӓnfӓğat’lӓrenӓ yaraqlı bulmawın ӓytkӓn Tramp Qıtay hӓm Rusiyӓne misal kürsӓtep, qayber tӓrtipkӓ salular başqarılğan oçraqta ileneň kileşüdӓ qabat urın ala alacağın citkergӓn.
