“Roxinja proyektı” çınğa aşa

İnternetta www.rohinyaproject.com adresında urın alğan hӓm tanıtıluı Malayziyada oyıştırılğan “Roxinja proyektı” belӓn Myanmadağı qırıslıqtan qaçıp, başqa illӓrgӓ sıyınğa hӓm bernindi statusı bulmağan arakanlı möselmannarnıň tanıqlıq aluı planlana.

Üze dӓ arakanlı möselman bulğan proyektnı qoruçı partnyerlardan Möxӓmmӓd Nur dönyada statusı bulmağan arakanlı möselmannarnıň tanıqlıq aluları hӓm yӓşӓgӓn cirlӓrdӓ hӓrkem kebek kön kürülӓren maqsat itülӓren beldergӓn.

Nur Myanmadağı qırıslıq hӓm zolımnan qaçıp, başqa illӓrgӓ sıyınğan meňnӓrçӓ arakanlı möselmannıň buluın xӓterlӓtep: “Bu keşelӓrdӓ bernindi dokument bulmağanı öçen üzlӓren berniçek tӓ tanıta almıy. Şul rӓweşle yӓşӓgӓn illӓrdӓ bank xisabın açu, balaların mӓktӓpkӓ cibӓrü kebek mömkinleklӓrdӓn faydala almıy,” – digӓn.

Proyekt yӓrdӓmendӓ arakanlı möselmannarnıň dönyada statuska iyӓ bulaçaqların açıqlağan Nur: “Myanma arakanlı möselmannarnı rӓsmi rӓweştӓ tanımıy. Bu arqada watansız bulğan kebek totış kürsӓtӓ, lӓkin bu keşelӓrneň qullarında ğailӓ ütkӓnenӓ qadӓr rӓsmi dokumentlar bar. Bez proyekt qısalarında internetta mӓğlümat mӓydanın barlıqqa kiterdek. Qullarındağı bu rӓsmi dokumentlar belӓn anda terkӓlӓçӓklӓr. Dokumentlarnı tikşerep, alarğa şӓxes tanıqlığın çığarıp birӓçӓkbez. Alar belӓn arakanlı möselmannar üzlӓren tanıta alaçaq,” – digӓn.

Möxӓmmӓd Nur şӓxes tanıqlıqları yӓrdӓmendӓ roxingjalılarğa tağın da ciňel rӓweştӓ ireşӓ alaçaqların belderep: “Bu mӓğlümatlar belӓn döres keşelӓrgӓ döres yӓrdӓmnӓrne kürsӓtep bula alaçaq,” – digӓn.