Ülüçelär sanı 26ğa citkän

Mӓşhӓddӓ başlanıp, şaqtıy şӓhӓrgӓ cӓyelgӓn çaralar qırıslıq waqiğalarına ӓylӓnde.

İran dӓwlӓt televideniyese qorallı protestçılarnıñ iminlek bülekçӓlӓre hӓm xӓrbi bazalarnı qulğa töşerergӓ tırışuın, lӓkin iminlek köçlӓre belӓn oçraşuın citkerӓ.

İsfahan vilayӓtenӓ bӓyle Kӓhdӓrican ilçӓ ğomüm idarӓsenӓ höcüm itkӓn protestçılardan 5eseneñ üterelüe citkerelgӓn.

Nӓcӓf Abadta ber rizasızlıq belderüçeneñ iminlek köçlӓrenӓ ut açuı nӓticӓsendӓ ber poliśiya xezmӓtkӓre yaqtı dönyadan kitkӓn, 3 poliśiya xezmӓtkӓre yaralanğan.

Protestçılar Kirmanşahta yul xӓrӓkӓte poliśiyase kontrol’ urınına ut törtkӓn.

İldӓ 400 tirӓse keşe qulğa alınğan.

Qayber töbӓklӓrdӓ internetka kerü çiklӓngӓn.

İlbaşı Xӓsӓn Ruxani protestçılarnı iskӓrtkӓn: “İranlılar İran xökümӓten protest itü hӓm tӓnqitlӓwdӓ irekle. Qırıslıq hӓm dӓwlӓt alannarına zıyan salu tӓnqitlӓw tügel. Xökümӓt vandallıq başqaruçı hӓm tirӓ-yaqqa zıyan saluçı törkemnӓrgӓ tolerantlık kürsӓtmӓyӓçӓk.”

İrandağı cıyınnarğa dönyadan törle reakśiyalӓr belderelgӓn.

Awrupa Berlegeneñ Tışqı mönӓsӓbӓtlӓr yuğarı wӓkile Federika Mogherini tӓraqqıyӓt’lӓrne küztӓep baruların ӓytep, protest xoquqı hӓm süz iregeneñ saqlanıluın sorağan.

Protestlarnı xuplawçı Amerikan ilbaşı Tramp Twitterda “İran öçen üzgӓrü waqıtı” yullamasın yazğan.

İzrail premyer-ministrı Binyamin Netanyaxu da “qıyu” itep taswirlağan protestçılarnı xuplawın beldergӓn.

Germaniyaneñ tışqı êşlӓr ministrı Sigmar Gabriêl’ ülüçelӓr bulğan protest çaralarınnan borçu toyuların beldergӓn.

Rusiyӓdӓn isӓ “Protest çaraları ilneñ êçke mӓs’ӓlӓseder” açıqlawı yasalğan.