Yerusalimda protest çaraları däwam itä

AQŞnıñ Yerusalimnı İzrail başqalası bularaq tanuınnan soñ Yordannıñ könbatış üzӓnlege hӓm Yerusalimdağı protest çaraları ikençe atnasında da dӓwam itӓ.

Ramallahta fӓlӓstinle ber protestçığa İzrail ğaskӓrilӓre tarafınnan utnıñ açıluı kamerağa töşerelgӓn.

Xӓbӓrçelӓrdӓn berniçӓ metr yıraqlıqta barlıqqa kilgӓn waqiğada İzrail ğaskӓrilӓre protestçığa ut açqan.

Fӓlӓstinle protestçı aşığıç yӓrdӓm maşinasına salınğan. Lӓkin İzrail ğaskӓrilӓre maşinanıñ yaralanuçını alıp kitüenӓ röxsӓt birmӓgӓn. Protestçını alırğa telӓgӓn ğaskӓrilӓr belӓn qarşılıq kürsӓtüçelӓr arasında bӓreleş çıqqan.

Yaralanuçı fӓlӓstinleneñ sӓlamӓtlege xaqında mӓğlümat yuq.

Fӓlӓstinlelӓrneñ protest çaralarına dönyanıñ hӓr poçmağınnan kilgӓn aktivistlar xuplaw kürsӓtӓ.

Yarsu comğası çaqıruına qolaq salğan keşe törkeme Yerusalimda comğa namazınnan soñ cıyılğanç

Ӓl-Aqsa mӓçӓte baqçasında Törkiyӓ, Aljir hӓm Malayziya bayraqları cilferdӓgӓn.

İzrail köçlӓreneñ protestçılarğa höcüm itüe belӓn qaywaqıt bӓreleşlӓr çığa.

Ara uramnarğa taralğan fӓlӓstinlelӓr belӓn İzrail poliśiyase arasındağı kiyerenkelek dӓwam itӓ.