Rusiyä gazına kirtä

Daniya parlamentı Rusiyä tabiği gazın Germaniyağa küçerüe planlanğan Tönyaq Ağım-2 ütkärgeçeneñ il cirläre aşa uzuına qirtä quyuçı qanun ölgesen qabul itkän.

Parlamenttan uzğan qanun Daniya tışqı êşlär ministrlığına milli iminlek nigeznamäläre belän ütkärgeçneñ il cirlärennän uzuınıñ yaraqlı bulıp bulmawın küzdä kiçerü mömkinlegen täqdim itä.

Daniya xökümäte ütkärgeçneñ ildän uzuına qomaçawlar öçen ênergetika proyektlarınıñ tışqı säyäsät häm iminlek nigeznamäläre belän tıyıluına röxsät biräçäk qanun üzgäreşe täqdime äzerlägän ide.

Daniya häm Şveśiya bıyıl tabiği gaz ütkärgeçeneñ cirlärennän uzuına röxsät birü qararın alğançı Awrupa Komissiyaseneñ proyektka qatışuın sorağan ide.