Putinnan ximik qoral çaqıruı

Rusiyä däwlät başlığı Vladimir Putin barlıq illärne ximik qoral rezervların yuqqa çığarırğa çaqırğan.

Putin 22nçe Ximik qorallar kileşüenä Taraf illär konferenśiyasendä qatnaşuçılarğa sälam yullamasın cibärgän.

Rusiyä liderı yullamasında: “Ximik qoral iyäse illärne Rusiyädän ürnäk alırğa häm ximik qoral rezervların qısqa waqıtta yuqqa çığaru öçen härtörle tırışlıqnı quyarğa çaqırabız,” – digän.

Putin kileşügä taraf bulmağan illärgä dä quşılırğa täqdim itkän.

Rusiyä soñğı ximik zapasın 27 sentyäbr’ könne yuqqa çığarğan ide.

Yuqqa çığaru çınğa aşırılğan urında çığış yasağan Putin Amerika Quşma Ştatlarınıñ ximik qorallarnı yuqqa çığaruda cawaplılıqların cirenä citkermäwen beldergän ide.