AQŞ belӓn êlemtӓsen özgӓn
Fӓlӓstin Azatlıq oyışmasınıň Vaşingtondağı ofisı liŝenziyaseneň ozınaytıluı raslamanmağan
Fӓlӓstin citӓkçelege Fӓlӓstin Azatlıq oyışmasınıň Vaşingtondağı ofisı liŝenziyaseneň ozınaytıluın raslamağanı öçen Amerika Quşma Ştatları belӓn barlıq êlemtӓsen özgӓn.
Fӓlӓstin citӓkçelegenӓ yaqın ber rӓsmi zat yasağan açıqlawında: “Fӓlӓstin citӓkçelege Fӓlӓstin Azatlıq oyışmasınıň ofisın yabuı qararına cawap bularaq barlıq Amerikan rӓsmi urınnar belӓn êlemtӓne bötenlӓy özde,” – digӓn.
AQŞ citӓkçelege Fӓlӓstin Azatlıq oyışması İzrailğa qarşı Xalıqara cӓza mӓxkӓmӓsenӓ birgӓn şiqayӓtne kire almağan hӓm İzrail belӓn turıdan söylӓşülӓrdӓ qatnaşmağan oçraqta oyışmanıň Vaşingtondağı qanuni wazğiyӓteneň ğamӓldӓn çığarılaçağın hӓm wӓkillek liŝenziyaseneň raslaw barışının ozınaytılmayaçağın citkergӓn ide.
Fӓlӓstin Azatlıq oyışması ğomüm sӓrqӓtibe Saib Ureykat isӓ moňa cawap itep Fӓlӓstin citӓkçelegeneň oyışmanıň Vaşingtondağı ofisı liŝenziyase êşlӓre yaňartılmağan oçraqta Amerika Quşma Ştatları belӓn barlıq êlemtӓsen özӓçӓgen açıqlağan ide.
Bäyläneşle xäbärlär
Çilidä poyezd (поезд) qazası
Kön’yaq Amerika ile Çilidä yulçı poyezdı (пассажир поезды) yök poyezdı (йөк поезды) belän bäreleşkän
