İzraildän Ğaräbstanğa xezmättäşlek täqdime

İzrail Ğomüm ştab başlığı Gadi Eisenkot Soğud Ğaräbstanına İranğa qarşı xezmättäşlek başqarırğa täqdim itkän.

Soğud Ğaräbstanınıñ “İlaf” gazetına açıqlaw yasağan Eisenkot: “İranğa qarşı Soğud Ğaräbstanı häm qalğan basınqı ğaräp illäre belän täcribä häm küzläw belän urtaqlaşırğa äzer bez,” – digän.

Soğud Ğaräbstanı belän İzrail arasında urtaq mänfäğat’lärneñ küp buluın beldergän Eisenkot tübändägeçä däwam ittergän: “Amerika Quşma Ştatları ilbaşı Donal’d Tramp liderlığında töbäktä yaña xalıqara ittifaq qoru forsatı bar. İran yanawın yuqqa çığaru öçen zur häm kiñ qırlı strategik plannı çınğa aşıruğa ixtıyacıbız bar.”

Ber Soğud Ğaräbstanı gazetına interv’yu birgän berençe İzrail ğomüm ştab başlığı bulğan Eisenkot İrannıñ Yaqın Könçığıştağı täêsireneñ İzrail häm Soğud Ğaräbstanı öçen borçu tudıruçı buluın citkergän.

Eisenkot tübändägeçä citkergän: “İrannıñ planı - ike şiğıy hilale belän Yaqın Könçığışnı kontrol’ itü. Bolardan berençese İrannan Ğiraqqa, annan da Süriyä aşa Livanğa suzıla. İkençese isä Baxreyn häm Yämän aşa Qızıl diñgezgä kitä. Monıñ çınğa aşuına kirtä quyuıbız kiräk.”