“Yämändä ber köndä 130 bala ülä”

Xalıqara yärdäm oyışması “Save the Children” Yämändä 2 yıldan artıq baruçı watandaşlar suğışı xaqında açıqlaw yasağan.

Moña kürä ildä här kön kim digändä 130 bala açlıq yäisä xastalıq arqasında yaqtı dönyadan kitä.

İldä bıyıl ğına da 50 meñnän artıq balanıñ ülüe çamalana.

İñ fäqir ğaräp ile bulğan Yämändä İran xuplawın kürüçe xusilär belän Soğud Ğaräbstanı xuplawındağı koaliśiya arasında 2014nçe yıldan bügengä qadär däwam itüçe bäreleşlärdä 10 meñnän artıq keşe ülgän.

Yaqınça 3 million keşe dä öyen taşlap kitärgä mäcbür qalğan.