“Twitter”dan “RT” häm “Sputnik”qa tıyu

Amerikan sośial’ urtaqlaşu säxifäse “Twitter” 8nçe noyabr’dä Amerika Quşma Ştatlarındağı ilbaşı saylawına tıqşınuı raslawı belän Rusiyä ğämmäwi mäğlümat çaralarınnan “Russia Today” häm “Sputnik”qa tıyu çaraları.

Şirkättän yasalğan belderüdä telgä alınğan matbuğat oyışmalarına bäyle bernindi xisapnıñ “Twitter”dan reklama urnaştıra almayaçağı assızıqlanıp: "Amerika Quşma Ştatları küzläw törkeme ütkärgän tikşerenü näticäsenä kürä, “Russia Today” häm “Sputnik” Rusiyä xökümäte isemennän 2016nçı yıldağı Amerika Quşma Ştatları ilbaşı saylawına qatışu kereşüen yasağan. Bu – “Twitter”da bez telämägän äyber. Bez ütkärgän êçke tikşerüebezdän soñ “Russia Today” häm “Sputnik” iyä bulğan böten xisaplardan reklama alınmayaçaqtır," – dip äytelgän.

Belderüdä ayıruça “Russia Today”nıñ “Twitter”dan reklama birä başlağan 2011nçe yıldan birle şirkät iyä bulğan 1 million 900 meñ dollar keremneñ Amerika Quşma Ştatları ilbaşı saylawı belän bäyle bularaq alıp barılğan tikşerenülärgä tapşırılaçağına iğtibar yünältelgän.

“Twitter” 28nçe sentyabr’dä yasağan belderüendä “Russia Today”nıñ uzğan yılda Amerika Quşma Ştatlarında reklamalar öçen 274 meñ 100 dollar aqça sarıf itüen häm “Russia Today” belän bäyle öç törle “Twitter” xisabınnan tuplam ber meñ 823 yazma urtaqlaşıluın açıqlağan ide.

Rusiyä yağınnan isä reakśiya soñarmadı.

Rusiyä “Twitter”nıñ “Russia Today” (RT) häm “Sputnik”ka qağılışlı reklamalarnı tıyu qararınıñ Rusiyä mediasın totqarlawğa bäyle buluın häm bu qararpa cawap birelä alınaçağın beldergän.

Tışqı êşlär ministrlığı süzçese Mariya Zaxarova qararnıñ höcüm itüçe buluın häm Amerika Quşma Ştatları oyışmalarınıñ häm küzläw xezmätläreneñ basımınıñ näticäse buluın äytkän.