Arakanlı balalar yärdäm kötä

Myanmadağı qırıslıqtan Bangladeşqa sıyınğan 320 meñ bala-çağa şähärçeklärdäge naçar yäşäw şartları arqasında qurqınıç astında.

BMOnıñ Balalarğa yärdäm kürsätü fondı YUNİSEF açıqlağan yaña xisap Arakan vilayätendä Myanma armiyase häm fanatik buddistlarnıñ möselmannarğa qarata qırıslığınıñ dramatik näticälären tağın ber tapqır kürsätkän.

Xisapta här kön arakanlı 1200-1800 balanıñ çiktän uzıp, Bangladeşka sıyınırğa mäcbür qaluı häm soñğı berniçä köndä çikneñ Bangladeş tarafına 10 meñ tiräse arakanlı balanıñ ayaq basuı belderelgän.

Bangladeşnıñ Koks Bazar şähärendäge çatır çähärçeklärenä barğan YUNİSEF ğomüm mödire Antoni Leyk xisap belän bäyle yasağan açqılawında tübändägeçä citkergän: “Arakanlı balalar bala-çağa kürergä tiyeş bulmağan wäxşilekkä şahit buldı.”

Leyk bu balalarnıñ aşığıç räweştä çista su, azıq-tölek häm sälamätlek saqlaw materiallarına ixtıyac toyuın assızıqlağan.

Antoni Leyk: “Alarnıñ psixologik yärdämgä, belem häm ömetkä ixtıyacları bar. bolar täêmin itelmäsä, cämäğat’çelek öçen nindi watandaşi bulaçaqlar? Bu krizis alarnıñ balaçaqların urlıy. Moña kirtä quyarğa kiräk,” – digän.