Törmӓgӓ qorallı höcüm
Qorallı höcümdӓ 9 ülgӓn, 930 totqın törmӓdӓn qaçqan
Demokratik Kongo Cömhüriyӓteneň könçığışında urnaşqan ber törmӓgӓ oyıştırılğan qorallı höcüm nӓticӓsendӓ 9 keşeneň ğomere özelgӓn, 930 totqın törmӓdӓn qaçqan.
İlneň könçığışındağı Tön’yaq Kivu vilayӓte başlığı Julian Baloko vilayӓtkӓ bӓyle Beni şӓhӓrendӓge törmӓgӓ distӓlӓrçӓ qorallı keşe tarafınnan höcümneň oyıştırıluın beldergӓn.
Höcümdӓ törmӓ saqçılarınnan 8 keşe belӓn ber totqınnıň yaqtı dönyadan kitüen hӓm höcümçelӓrdӓn 2eseneň üterelüen citkergӓn Baloko törmӓdӓge totqınnardan barı tik 36 keşeneň qaluın, 930 totqınnıň isӓ qaçuın citkergӓn.
Ӓlege höcümdӓ awır qorallarnıň qullanıluına hӓm bӓreleşlӓrneň 30 minut dӓwam itüenӓ iğtibarnı cӓlep itkӓn Baloko waqiğadan soň Beni şӓhӓrendӓ uramğa çığunıň tıyıluın açıqlağan.
Baloko höcümçelӓrneň tanıqlıq turında mӓğlümat birmӓgӓn.
Demokratik Kongo Cömhüriyӓteneň könçığışında şaqtıy qorallı törkem bar.
