YUNİSEFnıñ Ğiraq xisabı

Berläşkän Millätlär Oyışmasınıñ balalarğa yärdäm itü fondı YUNİSEF Ğiraqta terror waqiğaları häm bäreleşlär arqasında 3 million 600 meñ balağa törle tördä qurqınıç yanawın kisätkän.

YUNİSEFnıñ “Ğiraqta balalarnıñ wäzğiyäte” isemle xisapta “DEAŞ” terror oyışması barlıqqa kilgän 2014 nçe yıldan birle ildäge balalarnıñ 10%ınıñ öylären qaldırıp başqa töbäklärgä küçep kitärgä mäcbür buluı belderelgän.

Xisaptan kürengänçä, ildä 3 baladan berse, yäğ’ni 4 million 700 meñ bala humanitar yärdämgä moxtac.

YUNİSEF üz xisabında Ğiraqtağı balalarnıñ citärlek däräcädä tuqlana almawına da basım yasağan.

Xisapta 15 yäş’tän keçkenä kileş kiyäwgä birelgän  qız balalar sanınıñ 975 meñgä citüe assızıqlanğan.