Tramp Fälästingä säfär qılğan

Amerika Quşma Ştatları ilbaşı Donal’d Tramp İzrail’gä 1 könlek räsmi säfärennän soň bügenge köndä yaw astında bulğan Yordannıň könbatış üzänlegendäge Bäytullahim qalasına kilgän häm biredä Fälästin däwlät başlığı Maxmud Abbas belän küreşkän.

Trampnı qarşı alu tantanasında Fälästin däwlät başlığı Abbas, prem’yer - ministr Rami äl - Hamdallah häm başqa fälästinle yuğarı däräcäle räsmi zatlar qatnaşqan.

Tramp häm Abbas söyläşülärdän soň urtaq matbuğat oçraşuı ütkärgän.

Tramp İzrail’-Fälästin tınıçlığı tä’min itü mäs’äläsendä qatği buluın beldergän.

İleneň Fälästin iq’tisadına yärdäm itäçägen dä beldergän Tramp :”Fälästin iq’disadına yärdäm öçen Abbas belän êşçänlek başqarırbız dip ışanam. Tınıçlıq urnaştıru öçen fälästinlelär häm izrail’lelärgä yärdäm itäçäkbez”,-digän.

Tramp terrorğa qarşı köräştä xezmättäşlekneň ähämiyätenä dä basım yasağan.

Fälästin däwlät başlığı Abbas:” İzrail’gä kürşe, çiktäş Fälästin däwläte qorıluın, ike däwlätneň üzara ışanıç, tınıçlıq êçendä yäşäwen telibez”,-digän.

Abbas Trampnıň tınıçlıq täêmin itkän keşe bularaq tarixqa kerep qaluın teläwlären citkergän.

AQŞ ilbaşı Donal’d Tramp oçraşuların tögällägännän soň Fälästinnän kitkän.