"Tön’yaq Koreya belän yaqınayu bula ala"

Kön’yaq Koreyada uzğan ilbaşı saylawınnan soñ berençe näticälärgä kürä köndäşlären artta qaldırğan Moon Jae-In ciñüen iğlan itkän.

Tön’yaq Koreya belän yaqınayu yaqlı bulğan Moon Jae-In çığışında härkemneñ däwlät başlığı bulacağın äytkän.

Moon: “Ğadel häm berdän il barlıqqa kiteräçäkmen. Mine xuplamawçılarnıñ da ilbaşı bulaçaqmın,” – digän.

Liberal’ awışlı Moon Jae-In bügen çärşämbe könne ant itep, wazifasına başlağan.

Başqala Seulda Parlament binasındağı ant itü çığışında Koreya yarımutrawında tınıçlıqnıñ urnaştırıluı öçen qulınnan kilgänne başqaraçağın beldergän Moon: “İxtıyac bulsa, şunduq Vaşingtonğa oçarmın. Şulay uq Pekin häm Tokioğa, xätta döres şartlarda Tön’yaq Koreya başqalası Pyongyangğa barırmın,” – digän.