Yänä qaçaqlar batqan

Urta diñgezdä Awrupağa barırğa cıyınğan qaçaqlar utırğan rezin köymäneñ Liviya su kiñlegendä batuı näticäsendä 97 keşeneñ ğomere özelgän.

Liviyaneñ Yar buyı iminlek törkemnäre Tripoli şähärennän 10 çaqrım yıraqlıqta ber qaçaqlar köymäseneñ batuın kürep alğan.

Çığışı belän Afrikalı bulğan 120 qaçaq utırğan köymädäge 23 keşe qotqarılğan.

Aralarında bala-çağa häm xatın-qızlar da bulğan 97 keşe isä Urta diñgez sularında batqan.

Liviya - Awrupağa diñgez aşa barırğa cıyınuçı qaçaqlarnıñ berençe urını.

Säyäsi butalçıqlıq xökem sörgän ildän soñğı 3 yılda 150 meñnän artıq qaçaq İtaliyağa kitkän.

2016nçı yılda ğına da 4 meñ 500dän artıq qaçaq Liviya su kiñlegendä yaqtı dönyadan kitkän.