Axmädinejad qabat namzät bulaçaq

İrannıñ êlekke Däwlät başlığı Maxmud Axmädinejad kiläse aydağı ilbaşı saylawında qabat namzät bulaçağın beldergän.

İrannıñ dini liderı Ali Hamaney monnan êlek Axmädinejadtan namzät bulmawın sorağan ide.

Şuña kürä dä Axmädinejadnın namzätlege Hamaneygä qarşı çığu abaylanğan.

İranda ilbaşı saylawı 19nçı mayda ütkäreläçäk.

Kandidatlarnıñ comğa kiçenä xätle möräcäğät itüläre kiräk.

Monnan soñ namzätlär İslami häm säyäsi sıyfatları yağınnan parlamentta bäyälängännän soñ saylaw barışına kerep kitä.