Dön’yada 140 millionnan kübräk yätim bala bar

Berläşkän Millätlär Oyışmasınıñ balalarğa yärdäm itü fondı YUNİSEF häm ictimaği oyışmalar ütkärgän tikşerenülär dön’ya külämendä suğışlar häm tabiği afätlär säbäbe belän ğailälären yuğaltqan 140 millionnan kübräk yätim bala buluın kürsätkän.

Tikşerenülär kürsätkänçä, şaqtıy ildä suğışlar häm bäreleşlärneñ däwam itüe, qorılıq, yoğışlı awırular häm fäqir’lek näticäsendä här kön 10 meñgä yaqın bala yätim qala.

Äfganstanda yaqınça 2 million, Ğiraqta 5 million,Süriyädä isä 1 millionğa yaqın balanıñ ätisen ,änisen yäisä ikesen dä yuğaltıp yätim qaluı farazlana.

Bötendön’ya sälamätlek saqlaw oyışması xisaplarında här kön 5 yäş’tän keçkenä 16 meñgä yaqın balanıñ yaqtı dön’yadan kitüe belderelä.

Yevropolnıñ tikşerenüläre kürsätkänçä, 2015 nçe yılda Afrika illärennän ,Ğiraq häm Süriyädän qaçıp Awrupa kilgän 1 million sıyınuçınıñ 27%ın balalar täşkil itä.

Törkiyä dön’yada süriyäle sıyınuçılarnıñ yartısınnan kübräge yäşäwçe il bularaq BMOnıñ qaçaqlar yuğarı komissariatı tarafınnan “Dön’yanıñ iñ küp sıyınuçı qaluçı ile”,YUNİSEF tarafınnan isä “Dön’yanıñ iñ küp sıyınuçı bala qaluçı ile” dip iğlan itelgän ide.