AQŞ Süriyägä höcüm itkän

Amerika Quşma Ştatları Süriyäneñ Humus qalasındağı Şaryat hawa bazasına 59 raketa belän höcüm itkän, 4 Süriyä ğaskäriye ülgän.

Hawa nığıtmasında urnaşqan xärbi oçqıçlar, oçış yulı, yağulıq tutıru stanśiyäläre belän hawa bazasına bäyle binalar bombalanğan.

Operaśiyälär belän bäyle bularaq İlbaşı Donal’d Tramp Äsäd rejimınıñ ximik qoral qullanuına qarata şöbxä bulmawın äytkän.

Tramp bombalanğan bazada da ximik qorallarnıñ buluın häm Süriyä rejimınıñ xalıqara ximik qoral kileşülären küp tapqır bozğanı öçen bu höcümne yasawların beldergän.

Äsäd rejimınıñ İdliptä gäyepsez balalarğa qızğanmawın xäterlätüçe Tramp şuşı ximik höcüm yasalğan xärbi bazanı maqsat itep alğan operaśiya boyırığın turıdan-turı üzeneñ birüenä basım yasağan.

Amerika Quşma Ştatları Däwlät särkätibe Reks Tillerson operaśiya aldınnan Rusiyä belän bergä qayber berlektäşlärenä mäğlümat birülären äytkän.

Pentagon da monnan soñğı boyırıqqa xätle operaśiyanıñ tögällänüen açıqlağan.

Törkiyä Prem'yer-ministr urınbasarı Numan Kurtulmuş xärbi bazanıñ bombalanuınıñ uñay häm mäğnäle adım buluın belderde.

Amerika Quşma Ştatlarınıñ şuşı operaśiyasınıñ tınıçlıqqa öleş kertüne täêmin itäçägen ömet itüen assızıqlawçı Kurtulmuş: “Äsäd rejimı üz xalqına zarar birä almaslıq xälgä kilgänçegä çaqlı Berläşkän Millätlär Oyışması sankśiya qullanırğa tiyeş”, - dip äytte.

İzrail Prem'yer-ministrı Benyamin Netenyahu Süriyä rejimına ximik qorallar mäs’äläsendä bik köçle yullama yasawçı Trampnıñ operaśiya qararın yaqlawların citkergän.

Rusiyä isä Berläşkän Millätlär Oyışması İminlek şurasın aşığıç räweştä cıyılırğa çaqırğan.

İran da höcümne gäyeplägän.