Sankt-Peterburg metrosında şartlaw

Rusiyäneň Sankt-Peterburg qalasındağı 2 metro stansiyäsendä şartlaw barlıqqa kilgän.

Berençel mäğ’lümatlarğa kürä, şartlawlarda 9 keşeneň ğomere özelgän, 20 keşe yaralanğan.

Berençe şartlaw “Sennaya ploşçad’ stansiyäsendä bulğan.

 “Ria Novosti” agentlığı beldergänçä, ikençe şartlaw “Texnologiya institutı” stanŝiyäsendä barlıqqa kilgän.

Waqiğa urınına aşığıç yärdäm maşinaları cibärelgän.

Metrodağı keşelär êvakuaŝiyälängän.

Rusiya Federaŝiyäse däwlät başlığı Vladimir Putin şartlawdan soň yasağan belderüendä waqiğada ğomere özelgän keşelärneň  yaqınnarı, tuğannarınıň qayğısın urtaqlaşqan häm “Sankt – Peterburg räsmi zatları häm federal’ citäkçelek metrodağı şartlawda yaralanğan keşelärgä yärdäm itü öçen barlıq çaralarnı kürä. Şartlawnıň säbäpläre turında söyläşergä älegä irtäräk. Terrorçılıqnı da kertep barlıq ixtimallar qarala” digän.

.