"Törkiyä qaçaqlar öçen küp närsä başqardı"

Germaniya Kanślerı Angela Merkel Törkiyäneñ 3 million qaçaq öçen küp närsä başqaruın äytkän.

Angela Merkel’ Awrupa Parlamentında iñ zur törkeme bulğan Awrupa xalıq partiyaseneñ Mal’tada oyıştırılğan cıyılışında yasağan çığışında Awrupa Berlegendä xatalarnıñ yasaluın belderep, berlekneñ tışqı çiklären häm kürşelären citärle däräcädä uylamawın açıqlağan.

Awrupanıñ Süriyä mäs’äläsendä humanitar cawaplılığı buluın assızıqlağan Merkel’ tübändägeçä citkergän: “Monda humanitar cawaplılığıbız yuq dip äytäbezme? Bu Törkiyäneñ, Yordaniya, Livannıñ cawaplılığı dip äytäçäkbezme? Çınbarlıq şul ki, qaçaqlar şähärçekläreneñ finanslanuı mäs’äläsenä bitaraf qaldıq. Citärle däräcädä iğtibar kürsätä almadıq.”

Şunıñ öçen aşığıç humanitar wazğiyätneñ barlıqqa kilüen, şaqtıy närsäneñ iğtibarsız qaluın häm Germaniyaneñ humanitar wazifa bulğanı öçen qaçaqlarnı qabul itüen beldergän Merkel’ monıñ döres qarar buluın äytkän.

Angela Merkel’ Törkiyäneñ qaçaqlar mäs’äläsendäge êşçänleklären dä maqtap: “Törkiyä 3 million qaçaq öçen küp närsä başqardı. Awrupanın bu mäs’älädä Törkiyäne xuplawı da döres,” – digän.