İzraildä azan tıyılğan

İzraildä azannıñ bilgele säğatlärdä reproduktor aşa uqıluınıñ tıyıluına qarağan qanun ölgese Parlamentta ütkärelgän berençe tawışqa quyuda qabul itelgän.

Azannıñ tönge 23:00 belän irtänge 07:00 säğatläre arasında reproduktordan uqıluın tıyuçı ölge öçen Knessetta uzğan tawışqa quyuda 55 xalıq ışanıçlısı “uñay” tawış, 48 xalıq ışanıçlısı ölgegä qarşı tawış birgän.

Knessettağı ğaräp xalıq ışanıçlıları tawışqa quyu näticäseneñ açıqlanuı belän täqbir äytep, reaksiyalären beldergän.

Tawışqa quyudan soñ mömbärgä çıqqan ğaräp xalıq ışnaıçlısı Äxmät Tiybi: “Azan namazğa çaqıra. Premyer-ministr Netanyahu häm anıñ çitan tış uñçı tarafdarlarına qaramastan bu cirlärdä yañğırayaçaq,” – digän.

Ölgeneñ qanunlaşuı häm ğamälgä kertelüe öçen Knessetta ike utırışta qabul itelüe kiräk.

Cämäğatçelektä “azan tıyuı” dip ataluçı qanun ölgese “5 vaqıt azannı üz êçenä alaçaq” räweştä uzğan aylarda da kön tärtibenä kilgän, läkin İzrialle säyäsätçelär yähüdlärneñ İzge şimbä könnärendä häm qayber rituallarında uynaluçı şofarnıñ da tıyıluı riskı arqasında ölgegä qarşı çıqqan ide.

Şul räweşle qanun ölgese Netanyahu boyırığı belän azannıñ kiçke 23:00- irtänge 07:00 arasında reproduktor aşa uqıluın tıyaçaq äweştä qabat tärtipkä salınğan.

Ölge qanunlaşqan waqıtta mäçetlär irtänge azannı reproduktor aşa uqığan oçraqta 1200 – 2600 dollarlık aqçalata cäza tüli alacağı belderelä.