Äfğanstanda xastaxanägä höcüm

Äfğanstan başqalası Qabulda xärbi xastaxanäne maqsat itep alğan bombalı häm qorallı höcümdä berençe mäğlümatlarğa kürä 30 keşe yaqtı dönyadan kitkän, 60an artıq keşe yaralanğan.

Şähärdäge Amerikan ilçelegenä yaqın bulğan xärbi xastaxanädäge şartlawdan soñ tabib kiyemnären kiyep, xastaxanägä kergän keşelär qorallı höcüm oyıştırğan.

Şahitlar höcümçelärdän berseneñ başta xastaxanägä kergän urında östendäge bombanı şartlatuın, aq xalat kigän qalğan höcümçelärneñ isä tirä-yaqqa ut aça başlawın äytkän.

400 urınlı xastaxanädä bäreleş barlıqqa kilgän, töbäk iminlek qamawı astına alınğan.

Äfğanstan däwlät başlığı Äşräf Gani cawaplılığın “DEAŞ” terror oyışması üz östenä alğan höcümne ğayeplägän.