Jenevada söyläşülär däwam itä
Söyläşülärdä Rusiyä häm oppoziśiya wäkillekläre küreşep söyläşkän
![Jenevada söyläşülär däwam itä](http://cdn.trt.net.tr/images/xlarge/rectangle/67f2/3cfd/b369/58b79d3e7ff1e.jpg?time=1719340899)
Şveyśariyaneñ Jeneva şähärendä däwam itüçe Süriyä temalı söyläşülärdä Rusiyä häm oppoziśiya wäkillekläre küreşep söyläşkän.
Rusiyä wäkillege belän Rusiyä Federaśiyase tışqı êşlär ministr urınbasarı Gennadiy Gatilov citäklägän.
Söyläşüdän soñ Rusiyä matbuğatına açıqlaw yasağan Gatilov isä: “Astanada uzaçaq yaña söyläşülärdän çığaçaq näticägä kürä Jenevadağı Süriyä söyläşüläre 20nçe mart könne däwam itä ala,” – digän.
Gatilov Rusiyäneñ bäreleşüçe taraflar arasında turıdan söyläşülärneñ buluın teläwen beldergän.
Söyläşülärneñ 7nçe könendä oppoziśiya belän ikençe tapqır küreşkän Berläşkän Millätlär Oyışmasınıñ Süriyä maxsus wäkile Staffan De Mistura da ireşelgän wazğiyättän qanäğat buluın citkergän.
Mistura kiçke säğatlärdä syurpriz räweştä oppoziśiyaçellär tuqtağan qunaqxanägä barıp, Nasır äl-Hariri räislegendäge oppoziśiya wäkillege belän ike säğattän artıq söyläşü ütkärgän.
Söyläşüdän soñ qısqa açıqlaw yasağan Mistura kön tärtibendäge barlıq maddälärne yaxşılap qaraw forsatın tabuların äytkän.
Oppoziśiyaçellärneñ söyläşülärdäge totışı häm mäs’älälärne söyläşü räweşen maqtağan Mistura monıñ üzläre öçen möhim buluın assızıqlağan.
Misturanıñ kön êçendä Bäşar Cafäri citäklägän rejim wäkillege belän dä küreşüe kötelä.