“1 million 400 meň balağa açlıqtan ülü qurqınıçı yanıy”

Berläşkän Millätlär Oyışmasınıň balalarğa yärdäm itü fondı YUNİSEF Nigeriyäneň tön’yaq - könçığışında,Somali, Kön’yaq Sudan häm Yämändä yäşäwçe 1 million 400 meň balağa açlıqtan ülü qurqınıçı yanawın beldergän.

YUNİSEF mäğlümatlarına kürä, 450 meňnän kübräk bala Nigeriyäneň tön’yaq-könçığışındağı bäreleş töbäklärendä yäşi häm yärdäm oyışmaları bu töbäklärneň zur öleşenä yärdäm ireşterä almıy.

Somalidağı krizisnıň töp säbäbe isä qorılıq.

Somalida här kön 185 meň bala açlıqtan integä häm räsmi zatlar bu sannıň arta aluınnan borçıla.

Kön’yaq Sudanda küzätelgän bäreleşlär häm fäqir’lek däwlätneň tön’yaq töbäklärdä qıtlıq iğlan itüenä säbäp bulğan.

YUNİSEF biredä 270 meňnän kübräk balanıň citärlek däräcädä tuqlana almawın belderä.

Yämändä dä  yaqınça 462 meň bala açlıq belän köräşä.