Tramp Qırımnıñ kire tapşırıluın kötä
Bu turıda Aq Yort süzçese matbuğat oçraşuında citkergän
672765
Amerika Quşma Ştatları däwlät başlığı Donal’d Tramp Rusiyäneñ Qırımnı Ukrainağa tapşıruın kötä.
Aq Yort süzçese Sin Spayser sişämbe könnä oyıştırılğan matbuğat oçraşuında tübändägeçä citkergän: “Däwlät başlığı Tramp Rusiyä xökümäteneñ Ukrainada kiyerenkelekne azaytuın häm Qırımnı tapşıruın kötüen açıq räweştä belderde.”
Aq Yort monnan alda Tramp citäkçelegeneñ Ukrainağa bäyle Qırım yarımutrawın yawlap aluı arqasında Rusiyä Federaśiyasenä qarata qullanılğan çikläwlärneñ däwam itäçäge belän bäyle totışın citkergän ide.
3nçe fevral’ könne oyıştırılğan matbuğat oçraşuında çığış yasağan Aq Yort süzçese Sin Spayser AQŞnıñ BMO wäkile Nikki Haleynıñ Qırımnıñ Rusiyä tarafınnan yawlap alınuı belän bäyle borçuların açıqlağan ide.
